بلوچستان لبریشن فرنٹ کے ترجمان میجر گہرام بلوچ نے ضلع کیچ میں پاکستانی فوج کی چوکی پر حملہ کی ذمہ داری قبول کرتے ہوئے کہا کہ کل شام دشت کے علاقے چوٹ میں موبائل فون زونگ کی ٹاور کی حفاظت کیلئے قائم کی گئی چوکی کو سرمچاروں نے راکٹ اور خودکار ہتھیاروں سے نشانہ بنایا۔ چوکی کے اندر راکٹ گرنے سے قابض فوج کے دو اہلکار ہلاک اور دوسرے زخمی ہوئے ہیں۔
انہوں نے مزید کہا کہ یہ موبائل فون ٹاور چین پاکستان اکنامک کوریڈور (سی پیک) منصوبے کیلئے تعمیر کی گئی روڈ پر موجود ہے۔ اس ٹاور پر سرمچاروں نے پہلے حملہ کرکے مشینری و دیگر سامانوں کو جلایا تھا، جس کے بعد اس کی حفاظت کیلئے وہاں ایک فوجی چوکی قائم کی گئی ہے۔
میجر گہرام بلوچ نے کہا کہ یہ حملے بلوچستان کی آزادی تک جاری رہیں گے۔
