کوئٹہ میں میڈیکل انٹری ٹیسٹ اور پولیس تشدد کیخلاف طلباء نے گورنر اور وزیراعلیٰ ہاؤس کے قریب دھرنا دیا گیا، دھرنے میں شریک طلبہ کا پولیس کا لاٹھی چارج اور آنسو گیس شیلنگ سے متعدد طالب علم زخمی ہوگئے۔
آل بلوچستان میڈیکل اسٹوڈنٹس نے پاکستان میڈیکل کمیشن کی جانب سے لئے گئے میڈیکل ٹیسٹ کیخلاف گذشتہ روز کوئٹہ میں گورنر اور وزیراعلیٰ ہاؤس کے قریب مرکزی چوک بلاک کرکے دھرنا دیا۔
مظاہرین کا کہنا تھا کہ آن لائن ٹیسٹ میں پیچیدگیوں کی وجہ سے بلوچستان کے زیادہ تر طلباء کامیاب نہ ہوسکے، آن لائن کی بجائے دوبارہ فزیکل ٹیسٹ لیا جائے۔
مظاہرین نے مطالبہ کیا کہ یہ معاملہ پی ایم سی اور وفاقی حکومت کے سامنے اٹھایا جائے۔
رات گئے مظاہرین کا حکام سے مذاکرات چلتی رہی تاہم بعدازاں آدھی رات کو پولیس نے گورنر ہاوس کے سامنے دھرنا دینے والے طالب علموں پر لاٹھی چارج کرتے ہوئے متعدد طالبعلموں کو گرفتار کیا جبکہ درجنوں طالبعلم لاٹھی چارج کی وجہ سے زخمی ہوئے ہیں۔
بلوچ اسٹوڈنٹس ایکشن کمیٹی اور بی ایس او کے مشترکہ علامیے میں کہا گیا ہے کہ مظاہرین پر تشدد کے خلاف آج کوئٹہ پریس کلب کے سامنے احتجاجی مظاہرہ کیا جائے گا۔
طلباء کا یہ بھی کہنا ہے کہ مطالبات کے حل تک دھرنا جاری رہے گا۔
موجودہ #بلوچستان حکومت کا معمول بن چکا ہے کہ ہر پرامن #احتجاج کو #لاٹھی #ڈنڈوں و #گھونسوں #بکتر_بند سے جواب دے-
کل پرامن طلباء و طالبات پر پولیس کی تشدد کی پرزور الفاظ میں مذمت کرتے ہیں اور مطالبہ کرتے ہیں کہ اس تمام تر واقع کی عدالتی تحقیقات اور ملوث اھلکاروں کو سزا دی جائے- pic.twitter.com/H5IKD4q21g
— Sana Ullah BALOCH, MPA (@Senator_Baloch) September 9, 2021
بلوچستان نیشنل پارٹی ضلع کیچ کے ترجمان نے بیان جاری کرتے ہوئے کہا ہے کہ طلباء پر امن احتجاج پر بیٹھے جائر مطالبات کے حق میں جدوجہدکر رہے ہیں بجائے اسکے کہ انکی بات سنی جائے اور انکا مسئلہ حل کیا جائے نام نہاد سلیکٹڈ حکومت اور نااہل انتظامیہ کی ہٹ دھرمی کا عالم یہ ہے کہ معصوم طلبہ پر تشدد کیا جارہا ہے۔
اسی طرح خضدار میں بھی پی ایم سی کے طلبا حق میں گذشتہ روز سول سوساٸٹی کی جانب سے مظاہرہ کیا گیا جس کی مختلف طلبا تنظیموں اور پارٹیوں نے حمایت کی تھی۔ احتجاجی ریلی شہید پروفیسر رزاق چوک سے شروع ہو کر خضدار پریس کلب کے سامنے جلسے کی صورت میں اختتام پذیر ہوا۔
بلوچستان نیشنل پارٹی ضلع خضدار کے صدر شفیق الرحمان ساسولی نے کوئٹہ میں طلباء و طالبات پر لاٹھی چارچ کو سفاکیت کی بدترین مثال قرار دیتے ہوئے کہا ہے کہ رات کے ایک بجے گورنر ہائوس کے سامنے ہمارے مستقبل کے معماروں پر لاٹھی چارچ کی گئی، یہ غنڈہ گردی و دہشت گردی کا سلسلہ بند کیا جائے۔
