بلوچستان کے مرکزی شہر کوئٹہ میم اتوار کی شب ایک زور دار بم دھماکے سے دو سیکیورٹی اہلکار ہلاک اور متعدد زخمی ہوئے ہیں –
دی بلوچستان پوسٹ نیوز ڈیسک کو موصول ہونے والی اطلاعات کے مطابق دھماکا کوئٹہ کے مرکزی شاہراہ پر سرینا ہوٹل کے باہر چوک پر ہوا جس کا ہدف سیکورٹی اہلکار تھے۔
ابتدائی اطلاعات کے مطابق دو پولیس اہلکار ہلاک اور آٹھ اہلکاروں سمیت 12 افراد زخمی ہوئے ہیں۔
دھماکے کی شدت سے قریبی عمارتوں کے شیشے ٹوٹ گئے اور پورا شہر لرز اٹھا۔
دھماکے کے بعد سیکورٹی فورسز نے علاقے کو گھیرے میں لے کر مزید تفتیش شروع کردی ہے –
