دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع خضدار کے تحصیل زہری میں انٹر کالج کے قریب نا معلوم افراد کی فائرنگ سے ایک شخص ہلاک جبکہ ساتھی زخمی ہوگئے –
تفصیلات کے مطابق نا معلوم افراد نے انٹرکالج زہری کے قریب فائرنگ کر کےسیف اللہ لوٹانی ولد حاجی راوت خان لوٹانی کو ہلاک کردیا جبکہ فائرنگ سے اس کا ساتھی لیاقت علی ولد امید علی لوٹانی شدید زخمی ہوگئے-
واقعہ کے بعد لیویز اور انتظامیہ نے جائے وقوعہ پر پہنچ کر لاش اور زخمی شخص کو اسپتال منتقل کردیا ہے تاہم انتظامیہ کی جانب سے واقعہ کی وجہ نہیں بتائی گئی ہے –
