بلوچستان کے ساحلی شہر حب چوکی سے گذشتہ دنوں لاپتہ ہونے والے ذوالفقار علی پلال کی حمایت میں یکجہتی کمیٹی کا احتجاجی کیمپ آج تیسرے روز میں بھی جاری ہے۔
احتجاجی کیمپ میں سیاسی و سماجی مذہبی اور طلبا تنظیموں کے عہدے داروں نے آکر اظہار یکجہتی کی۔
اہلخانہ کے مطابق یکجہتی کمیٹی اور سیاسی سماجی تنظیموں سے مشاورت کے بعد کانفرنس کرکے آئندہ لائحہ عمل طے کرینگے۔
خیال رہے ذوالفقار علی پلال کو گذشتہ دنوں ان کے گھر سے سندھ پولیس اور رینجرز کے وردی میں ملبوس افراد نے ان کے گھر سے حراست میں لیکر نامعلوم مقام پر منتقل کردیا تھا۔
مختلف مکتبہ فکر کے لوگوں نے زوالفقار علی پلال کی رہائی کیلئے لگائے گئے احتجاجی کیمپ میں آکر ان کے اہلخانہ اور یکجہتی کمیٹی ذوالفقار علی کے ممبران سے اظہار یکجہتی کی اور اپنی جانب سے مغوی ذوالفقار علی پلال کی بازیابی تک تمام جمہوری جدوجہد میں بھرپور ساتھ دینے کا عزم کیا ہے۔
