بلوچستان کے صنعتی شہر حب چوکی سے پاکستانی فورسز نے کیچ کےرہائشی شخص کو دوران سفر حراست میں لے کر نامعلوم مقام منتقل کردیا ہے۔
حراست بعد لاپتہ ہونے والے شخص کی شناخت مراد ولد بالاچ کے نام سے ہوئی ہے۔
ذرائع کے مطابق مذکورہ شخص کیچ کے علاقے سنگ آباد کے رہائشی ہیں جو اپنے بچے کی علاج کے غرض سے کراچی جارہے تھے کہ فورسز گزشتہ روز دوران سفر شناختی کارڈ چیک کرنے کے بعد حراست میں لے کر لاپتہ کردیا ہے۔
خیال رہے کہ بلوچستان میں جبری گمشدگیوں کا سلسلہ تسلسل کے ساتھ جاری ہیں۔انہی جبری گمشدگیوں کے خلاف لاپتہ بلوچوں کی بازیابی کے لئے کام کرنے والی تنظیم وی بی ایم پی ایک دہائی سے سراپا احتجاج ہے۔
