بلوچستان کے ضلع مستونگ میں نامعلوم افراد نے پولیس کی گشتی ٹیم پر فائرنگ کرکے دو پولیس اہلکاروں کو ہلاک کردیا ہے۔
پولیس ذرائع کے مطابق پولیس اہلکار مستونگ کے علاقے چٹو میں معمول کی گشت پر تھے کہ نامعلوم افراد نے پولیس کی گشتی ٹیم پر فائرنگ کھول دی جس کے نتیجے میں دو پولیس اہلکار ہلاک جبکہ ایک اہلکاز زخمی ہوا ہے۔
ہلاک ہونے والے پولیس اہلکاروں کی شناخت ہیڈ کانسٹبل امداد علی اور کانسٹبل نزیر احمد کے ناموں سے ہوئی ہے جبکہ زخمی پولیس اہلکار کی شناخت ڈرائیور شاہ جہاں کے نام سے ہوئی ہے۔
تاہم واقعہ کے متعلق دیگر تفصیلات معلوم نہ ہوسکی نہ ہی واقعہ کی ذمہ داری تاحال کسی نے قبول کی ہے۔
