دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کیچ کے تحصیل بلیدہ میں نامعلوم افراد کی فائرنگ سے ایک نوجوان ہلاک ہوا ہے۔
تفصیلات کےمطابق فائرنگ کا واقعہ اتوار کی شب میناز کے علاقے میں پیش آیا۔
فائرنگ سے ہلاک ہونے والے نوجوان کی شناحت یاسر ولد ظفر امام سکنہ میناز کے نام سے ہوئی ہے۔
زرائع کے مطابق نوجوان کراچی میں زیر تعلیم تھا اور عید کی چھٹیاں منانے آبائی علاقے آیا تھا۔
تاہم ابتدائی اطلاعات کے مطابق قتل کے وجوہات سامنے نہیں آئے ہیں۔ جبکہ لیویز ذرائع نے مزید کاروائی کے لیے تفتیش شروع کردی ہے۔
