بلوچستان کے ضلع ہرنائی کے طالب لیز ایریا میں مسلح افراد نے پاکستانی فورسز اور کوئلہ کانوں کو حملے میں نشانہ بنایا ہے۔
مقامی ذرائع کے مطابق مسلح افراد کوئلہ کانوں اور پاکستانی فورسز کو نشانہ بنایا اور فرار ہوگئے۔ اس دوران فورسز اور حملہ آوروں میں دیر تک فائرنگ کا تبادلہ ہوا جہاں حملہ آوروں نے راکٹ اور دیگر بھاری ہتھیاروں سے حملہ کیا۔
ہرنائی میں پاکستانی فورسز کی مزید نفری اور ہیلی کاپٹر پہنچ چکے ہیں۔ مذکورہ علاقے میں فوجی آپریشن کے خدشے کا اظہار کیا جارہا ہے۔
قبل ازیں ہرنائی کے علاقے کھوسٹ میں مسلح افراد نے 28 کوئلہ کانوں کو آگ لگا دی تھی۔ حکام نے تاحال مذکورہ حملوں کے حوالے سے کوئی موقف پیش نہیں کرسکی ہے۔
