بالی وڈ اداکارہ کترینہ کیف اپنے دوستوں کے ساتھ خوب ہنسی مذاق کرتی ہیں جس کا ثبوت انکی حالیہ انسٹاگرام وڈیو بھی ہے۔
بالی وڈ اداکارہ کترینہ کیف نے ایک مرتبہ پھر مداحوں کی توجہ اپنی طرف کرالی۔ اس بار انہوں نے اپنے بالوں کا اسٹائل اس طرح بنایا جس نے لوگوں کو حیران کردیا۔
اداکارہ نے بہت ہی خوشگوار موڈ میں انسٹاگرام اکاؤنٹ پر اپنی وڈیو شیئر کی جس میں وہ بہت ہی مہارت کے ساتھ اپنے بالوں کو باندھ رہی ہیں جو کہ ان کی دوست نے انہیں سکھایا ہے۔
View this post on Instagram
وڈیو میں دیکھا جاسکتا ہے کہ اداکارہ کے ساتھ دیگر لوگ بھی موجود ہیں۔ ہیئر اسٹائل بنانے کے بعد کترینہ بہت زور سے ہنستی ہیں اور اس طرح اظہار کرتی ہیں کہ جیسے انہوں نے کچھ جیت لیا ہو۔
کترینہ کیف کی اس وڈیو کو اب تک 80 لاکھ سے زائد بار دیکھا جا چکا ہے جبکہ متعدد خواتین نے اداکارہ سے کمنٹس کے ذریعے انہیں بھی اسی طرح سکھانے کا کہا۔
