بلوچ لبریشن ٹائیگرز کے ترجمان میران بلوچ نے میڈیا کو جاری کیے گئے بیان میں کہا ہے کہ گذشتہ ہفتے تیرہ فروری کو ضلع قلات اور کچی کے درمیان کوہ ناگاہی کے پہاڑی سلسلے میں قائم تنظیم کے کیمپ پر پاکستانی فوج کے کمانڈوز نے ایک آپریشن کیا جس میں کیمپ کو محاصرے میں لینے کی کوشش کی گئی۔
ترجمان کا کہنا تھا کہ فورسز کے حملے کو گوریلا جنگی حکمت عملی کے تحت ناکام بنایا اور اس دوران فورسز کے ساتھ ایک جھڑپ بھی ہوئی جس میں فورسز کے متعدد اہلکار ہلاک و زخمی ہوئیں۔
میران بلوچ کا کہنا تھا کہ کیمپ کے قریب کمانڈوز اتارنے کے دوران فورسز کے ایک گن شپ ہیلی کاپٹر کو بھی راکٹ حملے کا نشانہ بنایا جس کے نیتجے میں ہیلی کاپٹر کو شدید نقصان پہنچا۔
ان کا مزید کہنا تھا کہ بلوچ وطن کے سپوت پاکستانی فوج کا ہر محاز پر مقابلہ کرنے کیلئے ہمہ وقت تیار ہیں اور تنظیم کی کاروائیاں آزاد و خود مختار ریاست کے قیام تک جاری رہیں گے۔
