بھارت کے مشہور ریئلٹی شو ’بگ باس‘کے 13 ویں سیزن سے شہرت حاصل کرنے والی بھارتی گلوکارہ و اداکارہ شہناز گِل کا شو کے دوران بولا گیا معروف ڈائیلاگ تاحال شہرت حاصل کررہا ہے۔
حال ہی میں بالی وڈ اداکارہ شلپا شیٹھی اور کورگرافر گیتا کپور کا ویڈیو کلپ وائرل ہورہا ہے جس میں وہ ‘ توڈا کُتا ٹومی اور ساڈا کُتا کُتا’ پر اپنا ری ایکشن دیتی نظر آرہی ہیں۔
ویڈیو میں دیکھا جاسکتا ہے کہ ایک پروگرام کی ریکارڈنگ سے باہر آتے ہوئے شلپا کو ایک آوارہ کتا نظر آیاجس پر انہوں نے بے ساختہ کہا کہ ‘تیرا کتا کتا، میرا کتا ٹومی’ جس پر گیتا کپو ر نے بھی گجراتی میں ردعمل دیا کہ میرا کتا تو ٹومی چھے(ہے)۔
View this post on Instagram
خیال رہے کہ گذشتہ سال شہناز گل کی بگ باس 13 کی ایک ویڈیو وائرل ہوئی تھی جس میں وہ کہتی ہیں کہ ‘کیا کروں؟ میں مر جاؤں؟ میری کوئی فیلنگز نہیں ہیں؟ تمہاری فیلنگز تمہاری، توڈا کُتا ٹومی اور ساڈا کُتا کُتا۔
بھارتی گلوکارہ و ماڈل اور معروف رئیلٹی شو بگ باس 13 سے شہرت کی بلندیوں پر پہنچنے والی شہناز کور گل کے معروف ڈائیلاگ پر بنائے جانے والے گانے کو یوٹیوب پر چند ہی روز میں ایک کروڑ سے زائد بار دیکھا جا چکا ہے۔
اس ڈائیلاگ پر بھارت میں بڑی تعداد میں میمز اور ٹک ٹاک ویڈیوز بنائی گئیں جنہیں بڑی تعداد میں پسند بھی کیا گیا۔
