لاپتہ افراد کی بازیابی کے لیے قائم کمیشن 8 فروری سے بلوچستان کے دارالحکومت کوئٹہ میں کیسز کی سماعت کریگی۔
کمیشن وفاقی حکومت کی ہدایت پر لاپتہ افراد کی بازیابی کے لیے قائم کیا گیا ہے۔ کمیشن کی سربراہی بلوچستان ہائی کورٹ کے ریٹائرڈ جج جسٹس فضل الرحمٰن کرینگے۔
محکمہ داخلہ کے مطابق کمیشن کی سماعت 13 فروری تک سکندر جمالی ہال بلوچستان سول سیکریٹ کوئٹہ میں ہوگی۔
محکمہ داخلہ بلوچستان کے مطابق 8 فروری بروز پیر کو اس کمیشن میں محمد اعظم ولد داؤد خان سکنہ کوچ گریشہ، دین محمد بلوچ ولد قادر بخش سکنہ مشکے آوران، شبیر احمد ولد عبدالصمد سکنہ گوارکوپ، زبیر احمد ولد گہرام عرف عبیدہ سکنہ مند، سلمان علی سلیم سکنہ مند، بلوچ خان ولد یاسین سکنہ مند اور مسلم ولد محمد یعقوب سکنہ مند کے کیسز کی سماعت ہوگی۔
جبکہ 9 فروری بروز منگل کو ماجد ولد داد محمد سکنہ قلات، سعد اللہ ولد محمد حسین سکنہ سوراب، ظہور احمد سکنہ قلات، نور داد داد ولد ارض محمد سکنہ اورماڑہ، دوستین سکنہ پسنی، عبدالحی کرد ولد جمعہ خان سکنہ مچھ، محمد نواز ولد فضل خان، سکنہ ڈھاڈر، فضل خان رند سکنہ ڈھاڈر، عنایت اللہ ولد حاجی رحمت اللہ سکنہ مستونگ، امان اللہ سکنہ کوئٹہ اور محمد حمزہ ولد شادی خان سکنہ کوئٹہ کے کیسز کمیشن میں پیش ہونگے۔
محکمہ داخلہ بلوچستان کے مطابق کمیشن 10 فروری بروز بدھ کو حسرت حاصل خان، سکنہ آوران، ناصر احمد سکنہ آوران، حسن ولد غلام محمد سکنہ آوران، دوست محمد ولد شیر محمد سکنہ پروم، وشدل ولد دلدار سکنہ پنچگور ،ثنا اللہ سکنہ پنجگور، ذاکر بلوچ ولد ملک محمد سکنہ پنجگور، بختیار ولد علی محمد سکنہ پنجگور، شمس الرحمٰن مینگل سکنہ نوشکی، خالد بلال مینگل ولد محمد بلال سکنہ نوشکی اور محمد کامران ولد جہلم خان سکنہ لکی مروت کی کیسز کا سماعت کرے گی۔
جبکہ 10 فروری بروز جمعرات کو کمیشن سدھیر ولد درویش سکنہ جھاؤ، نادر علی ولد درویش سکنہ جھاؤ، ثنا اللہ اللہ بلوچ ولد محمد اسحاق سکنہ خاران، بلال ولد میران بخش سکنہ سریاب کوئٹہ، محمد ابراہیم ولد محمد نواز سکنہ چاغی کے کیسز کی سماعت کرے گی۔
اسی طرح کمیشن 12 فروری بروز جمعہ کو اسد اللہ ولد فیض محمد سکنہ تمپ، محمد زاہد بلوچ عرف بلوچ خان ولد الہی بخش کرد سکنہ نال خضدار، ظفر ولد محمد اعظم سکنہ کوئٹہ، میر گل مریم ولد میر حاجی سکنہ کوئٹہ، امیر اللہ خان ولد شیر خان سکنہ کوئٹہ، محمد قضافو ولد حاجی احمد علی سکنہ کوئٹہ اور عبدالروف کرد الیاس راجہ ولد غازی خان سکنہ کوئٹہ کے کیسز کی سماعت کرے گی۔
کمیشن 13 فروری بروز ہفتہ کو محمد زکریا ولد خان جان سکنہ نوشکی، طاہر حافظ ولد حافظ احمد سکنہ کوئٹہ، امام بخش عرف محمد یوسف ولد غلام سرور سکنہ کوئٹہ، تاج محمد ولد نیک محمد سکنہ کوئٹہ، قادر بخش ولد عبدالستار سکنہ مستونگ، محمد حسان قمبرانی ولد حبیب اللہ، حزب اللہ ولد ولد غلام اللہ سکنہ کوئٹہ، ارشاد احمد ولد عبدالغفار سکنہ کوئٹہ، جہانزیب ولد عبدالستار، عبدالقادر ولد عبداللہ گل، احسان اللہ ولد گل شاہ سکنہ کوئٹہ اور داؤد خان ولد محمد خان سکنہ کچھی کیسز کی سماعت کرے گی۔
یاد رہے لاپتہ افراد کی بازیابی کے لیے قائم کمیشن اس سے پہلے بھی کوئٹہ میں کیسز کی سماعت کرچکی ہے، تاہم لاپتہ افراد کی لواحقین اور وائس فار بلوچ مسنگ پرسنز کمیشن سے مطمئین نہیں اور اسے ایک ڈھونگ قرار دیتے ہیں۔
