گوادر سمیت بلوچستان کے ساحلی علاقوں میں سمندری طوفان کا خدشہ ظاہر کیا گیا ہے، جبکہ ماہی گیروں کو محتاط رہنے کی ہدایت کی گئی ہے۔
محکمۂ فشریز نے گوادر اور پسنی میں ماہی گیروں کو آج سے پیر تک گہرے سمندر میں جانے سے گریز کرنے کی ہدایت کر دی۔
اسسٹنٹ ڈائریکٹر فشریز کی جانب سے جاری کی گئی ہدایت کے مطابق محکمۂ موسمیات نے خبردار کیا ہے کہ ایک سمندری طوفان بن رہاہے۔ سمندری طویان کے باعث بلوچستان کے ساحلی علاقوں میں آج سے پیر تک تیز ہوائیں چلنے کا امکان ہے۔
اسسٹنٹ ڈائریکٹر فشریز کا یہ بھی کہنا ہے کہ گوادر اور پسنی میں ماہی گیروں کو گہرے سمندر میں جانے سے گریز اور احتیاطی تدابیر اختیار کرنی چاہئیں۔
