جرمن حکام نے بلوچ سیاسی کارکن جان محمد کی ملک بدری روک دی

624

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچ نیشنل موومنٹ جرمنی زون کے کارکن جان محمد کی ملک بدری روک دی گئی ہے۔

آج جرمنی کے شہر فرینکفرٹ ائیرپورٹ سے ایک جہاز جو پاکستانی مہاجرین کو ملک بدری کے لیے اڑان بھررہی تھی اس میں جان محمد بھی شامل تھا، تاہم دیگر پاکستانی مہاجرین کو ملک بدر کر دیا گیا ہے۔

خیال رہے کہ گذشتہ روز جرمنی کے شہر فیلفیلڈ میں Café Exil نامی ایک آرگنائزیشن کی طرف سے جان محمد کی ملک بدری کے خلاف مظاہرہ کیا گیا تھا۔

مظاہرین کا موقف تھا کہ جان محمد کی جان کو پاکستانی سیکورٹی اداروں سے خطرات لاحق ہیں اگر انہیں پاکستان بھیج دیا گیا تو اسے دیگر بلوچ سیاسی کارکنوں کی طرح تشدد کا نشانہ بنایا جائے گا۔