بلوچستان کے ضلع کیچ میں نامعلوم مسلح افراد نے تربت کے علاقے ڈی بلوچ پُل کے قریب تعمیراتی کمپنی پر حملہ کیا اور مشینری کو نذر آتش کردیا۔
علاقائی ذرائع کے مطابق مسلح افراد نے سی پیک روٹ پر کام کرنے والی کمپنی کو نشانہ بنایا، بیشتر مشینری کو نذرآتش کرنے کے بعد فرار ہوگئے۔
حکام نے واقعے کے حوالے سے تاحال کوئی موقف پیش نہیں کیا ہے۔ ماضی میں کیچ سمیت بلوچستان کے دیگر علاقوں میں سی پیک روٹ اور اس سے منسک پراجیکٹس کو بلوچ مسلح آزادی پسندوں کی جانب سے نشانہ بنایا جاتا رہا ہے۔
مذکورہ حملے کی ذمہ داری تاحال کسی تنظیم نے قبول نہیں کی ہے۔
