کولواہ چمبر سے فورسز کے ہاتھوں ایک شخص لاپتہ
بلوچستان کے ضلع آواران اور کولواہ کے درمیان میں واقع گاؤں چمبر سے پاکستانی فورسز نے اہلکاروں نے ایک شخص کو حراست میں لینے کے بعد لاپتہ کردیا ہے۔
علاقائی ذرائع کے مطابق جبری طور پر لاپتہ کیئے جانیوالے شخص کی شناخت عصاء کے نام سے ہوئی ہے جنہیں دوران آپریشن فورسز اہلکاروں نے حراست میں لینے کے بعد نامعلوم مقام پر منتقل کیا۔
ذرائع کا مزید کہنا ہے کہ گذشتہ روز سے آواران اور کولواہ کے مختلف علاقوں میں پاکستانی فورسز آپریشن مصروف ہے۔ اس دوران فورسز اہلکاروں نے علاقوں کو محاصرے میں لیکر آمد و رفت پر پابندی عائد کردیا ہے۔
آپریشن کے دوران مزید جانی اور مالی نقصانات کے حوالے سے تاحال معلومات نہیں مل سکی ہے۔
