سیندک پروجیکٹ میں ملازم کا خودکشی کی کوشش

79

طویل مدت سے  قرنطینہ سے تنگ آکر سیندک پراجیکٹ کے ملازم نے تنگ خودکشی کی کوشش کرلی

 ٹی بی پی نیوز ڈیسک رپورٹ کے مطابق طویل المدت قرنطینہ کے باعث چاغی کے علاقے سیندک پروجیکٹ میں کام کرنے والی چینی کمپنی ایم آر ڈی ایل کی مائننگ ڈیپارٹمنٹ کے ایک ملازم نور احمد نے پنکھے سے پھندا باندھ کر خودکشی کی کوشش کی جسے وہاں موجود دیگر ملازمین نے ناکام بنایا۔

ایم آر ڈی ایل حکام کے مطابق مذکورہ ملازم کو واپس ان کے گھر روانہ کردیا گیا۔

خیال رہے سیندک پروجیکٹ میں چائنیز انتظامیہ کی جانب سے کورونا وائرس سے بچاؤ کی احتیاطی تدابیر کے طور پر اپنائے گئے سخت ترین اقدامات اور طویل المدت قرنطینہ کے باعث مقامی ملازمین اور افسران سخت مشکلات اور پریشانی سے دوچار ہیں۔

متاثرہ ملازمین کے مطابق کئی بار کورونا وائرس کا ٹیسٹ منفی آنے کے باوجود انھیں کئی کئی ہفتوں تک قرنطینہ میں رکھا جاتا ہے جو ان کے لیے کسی عذاب سے کم نہیں کیونکہ اس دوران نہ ہی وہ کام پر جاسکتے ہیں اور نہ واپس اپنے گھروں کو جانے کی اجازت دی جاتی ہے۔

انہوں نے حکام بالا سے صورتحال کی نوٹس لینے کا مطالبہ کیا۔