کسٹم حکام نے دعویٰ کیا ہے کہ کوئٹہ ایئر پورٹ پر دبئی سے ادویات کی اسمگلنگ کی کوشش ناکام بنا دی، کارروائی کے دوران 3 کروڑ روپے مالیت کے ممنوعہ انجکشنز قبضے میں لیکر ایک ملزم کو حراست میں لے لیا گیا ہے۔
حکام کے مطابق ڈائریکٹر کسٹم انٹیلی جنس سمیع ا لحق کو خفیہ اطلاع ملی تھی کہ دبئی سے کوئٹہ آنے والے فلائٹ میں ایک سمگلر ممنوعہ انجکشنز کوئٹہ کے راستے اندرون ملک سمگل کرنا چاہتا ہے جس پر انہوں نے ڈپٹی ڈائریکٹر زوہیب، انسپکٹر شبیر احمد خان، انسپکٹر حامد حبیب، حولدار منظور آغا، ظاہر شاہ، نثار احمد و دیگر پر مشتمل ٹیم تشکیل دیدی۔
مذکورہ ٹیم نے جمعہ کے روز کوئٹہ ایئر پورٹ پر کارروائی کرتے ہوئے دبئی سے آنے والی ممنوعہ انجکشنز کی اسمگلنگ کی کوشش ناکام بنا دی، ملزم آصف رانا سے برآدمد کئے گئے۔
حکام کے مطابق ممنوعہ انجکشنز کی مالیت تقریباً 3 کروڑ روپے سے زائد ہے۔
