امریکی صدر ڈونلڈ ٹرمپ کی مشیر اور قریبی ساتھی ہوپ ہکس میں کورونا وائرس کی تشخیص کے بعد صدر ٹرمپ اور خاتون اوّل میلانیا کا بھی کورونا ٹیسٹ مثبت آگیا۔ دونوں قرنطینہ میں چلے گئے۔
امریکی صدر کی معاون ہوپ ہکس کا کورونا ٹیسٹ مثبت آنے کے بعد صدر ٹرمپ نے ٹویٹ کیا کہ وہ اور خاتون اول ملانیا کا ٹیسٹ مثبت آگیا ہے۔ ہوپ نے ایک ہفتہ قبل ان کے ساتھ ہوائی سفر کیا تھا۔
وائٹ ہاؤس کے نمائندوں کے مطابق معاون ہوپ ہکس صدر ٹرمپ کے ساتھ ہیلی کاپٹر مرین ون میں بھی سوار ہوئی تھیں، 31 سالہ ہوپ ہکس صدر کی ٹیم میں سب سے قریبی اہلکار ہیں۔
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
ایک انٹرویو میں صدر ٹرمپ نے بتایا کہ وہ اور میلانیا ہوپ کے ساتھ کافی وقت گزار چکے ہیں۔ صدر ٹرمپ کو ماسک پہننا پسند نہیں وہ سرکاری تقاریب میں اہلکاروں یا دیگر افراد کے ساتھ گھلے ملے نظر آتے ہیں۔
امریکی میڈیا کے مطابق منی سوٹا سے واپسی پر ہوپ ہکس میں کورونا کی علامات ظاہر ہونا شروع ہو گئی تھیں اور انھیں اسی وقت طیارے میں ہی قرنطینہ میں رکھا گیا تھا۔
کورونا وائرس سے امریکا میں اموات کی تعداد 2 لاکھ 12 ہزار سے تجاوز کر چکی ہے جبکہ مریضوں کی تعداد 75 لاکھ تک پہنچ چکی ہے۔
