بلوچستان کے علاقے کوہلو میں بڑے پیمانے پر احتجاج کا سلسلہ جاری ہے جس میں سینکڑوں کی تعداد میں افراد حصہ لے رہے ہیں جبکہ اس دوران سڑکوں پر ٹائر جلاکر انہیں آمد و رفت کے لیے بند کردیا گیا۔
احتجاجی مظاہرہ گذشتہ روز ٹریفک حادثے کے ردعمل میں کیا جارہا ہے۔
اطلاعات کے مطابق گذشتہ روز گیس تلاش کرنے والی کمپنی کے گاڑی نے کوہلو شہر کے قریب موٹر سائیکل پر سوار دو نوجوانوں کو کچل دیا جس کے نتیجے میں مالک ولد اسماعیل خان مری موقعے جانبحق ہوا جبکہ دوسرے نوجوانوں کو شدید زخمی حالت میں ڈسٹرکٹ ہیڈکوارٹر ہسپتال منتقل کردیا گیا لیکن وہ جانبر نہیں ہوسکا۔
جانبحق ہونے والے مالک مری کی نمازجنازہ گذشتہ روز اس کے آبائی گاٶں کنل میں ادا کی گئی۔
یہ بھی پڑھیں: گوادر: فوج کی گاڑی نے موٹرسائیکل سوار کو کچل دیا، موٹر سائیکل سوار ہلاک
دوسری جانب حکام نے دعویٰ کیا ہے کہ کمپنی کے ڈرائیور خالد حسین ولد عثمان سکنہ خیر پور ضلع دادو کو گرفتار کرلیا گیا اور کمپنی کی گاڑی کو بھی تحویل میں لیا جاچکا ہے۔
