بلوچستان کے ضلع دکی سے آمدہ اطلاعات کے مطابق مٹی کا تودہ گرنے سے زخمی ہونے والا کا نکن جاں بحق ہوگیا ہے۔
تفصیلات کے مطابق مقامی کوئلہ کان میں مٹی کا تودہ گرنے کے باعث زخمی ہونیوالا کانکن محمد عیسی ولد مرجان قوم کاکڑ سکنہ ژوب کوئٹہ کے نجی ہسپتال میں زخموں کی تاب نہ لاتے ہوئے چل بسا۔
یاد رہے گذشتہ مہینے بھی ضلع دکی میں کوئلے کی کان میں مٹی کا تودہ گرنے سے 3 کانکن زخمی ہوگئے تھے۔
بلوچستان میں تواتر سے کوئلہ کے کانوں میں حادثات پیش آتے رہتے ہیں، جس سے سالانہ متعدد کانکن ہلاک ہوتے ہیں۔
