حادثہ ہرنائی کے علاقے غڑمی میں پیش آیا
دی بلوچستان پوسٹ نیوز ڈیسک کو موصول اطلاعات کے مطابق بلوچستان کے ضلع ہرنائی کے علاقے غڑمی میں باراتیوں سے بھرا ایک ٹریکٹر ٹرالی حادثے کا شکار ہوگیا ہے، جس کے نتیجے میں ٹرالی میں سوار 25 افراد زخمی جبکہ 4 کو تشویشناک حالت میں لیبر ہسپتال ہرنائی میں طبی امداد دینے کے بعد کوئٹہ منتقل کردیا گیا ہے۔
تفصیلات کے مطابق ٹریکٹر ٹرالی میں سوار اکثر باراتی خواتین و بچے تھے، ہسپتال ذرائع سے حاصل معلومات کے مطابق زخمی بچوں کی حالت تشیوشناک بتائی جارہی ہے۔
واضح رہے بلوچستان کے مختلف علاقوں میں آئے روز ٹریفک حادثات پیش آتے رہتے ہیں، جس کی بنیادی وجوہات میں سے ایک سڑکوں کی خستہ حالی بتائی جاتی ہے جبکہ ڈرائیوروں کی جانب سے ٹریفک قوانین پر عمل نہ کرنا بھی ان وجوہات میں سے ایک ہے۔
