مسلح افراد کے حملے میں سیکورٹی فورسز کو جانی نقصانات کے اطلاعات
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان ضلع کیچ کے علاقے کولواہ میں نامعلوم مسلح افراد نے پاکستانی سیکورٹی فورسز کے چیک پوسٹ کو نشانہ بنایا –
مسلح افراد نے بھاری ہتھیاروں سے فورسز چوکی کو نشانہ بنایا، حملے میں فورسز اہلکاروں کے ہلاکتوں کی اطلاعات ہیں-
علاقائی ذرائع کے مطابق حملے کے بعد فورسز نے گھنٹوں تک فائرنگ اور گولا باری کا سلسہ جاری رکھا تاہم حملہ آور نکلنے میں کامیاب ہوئے۔
یاد رہے کیچ سمیت ارد گرد کے علاقوں میں اکثر بلوچ آزادی پسند مسلح تنظیموں کی جانب سے فورسز کو نشانہ بنایا جاتا رہا ہے تاہم آج حملے کی ذمہ داری تاحال کسی تنظیم کی جانب سے قبول نہیں کی گئی ہے۔
