کراچی طیارہ حادثہ: کپتان کی خلاف ورزیوں سے متعلق رپورٹ جاری

خط کے متن کے مطابق کنٹرولر نے کپتان کو وارننگ دی کہ بلندی زیادہ ہے۔ طیارہ 7 ناٹیکل میل پر تھا تو طیارے کی اونچائی 5 ہزار 200 فٹ تھی۔

کنٹرولر نے 2 مرتبہ کپتان کو ہدایت کی کہ طیارے کو بائیں جانب 180 ڈگری پر لے جائیں جبکہ اترنے کی رفتار درکار رفتار سے زائد 250 ناٹ سے زیادہ تھی۔

واضح رہے کہ 22 مئی کو پی آئی اے کا مسافر طیارہ پی کے 8303 لینڈنگ سے قبل کراچی کے رہائشی علاقے ماڈل کالونی میں گر کر تباہ ہوگیا تھا۔

جہاز میں عملے کے 7 افراد سمیت 99 مسافر سوار تھے جس میں 97 افراد جاں بحق اور 2 زخمی ہونے کے بعد زندہ بچ گئے۔