سندھ: گھوٹکی اور کراچی میں دھماکے، 2 رینجرز اہلکار ہلاک

ڈی ایس پی گھوٹکی حافظ قادر نے گھوٹا مارکیٹ میں دھماکے کی تصدیق کرتے ہوئے کہا کہ دھماکے کے بعد پولیس نے علاقے کو گھیرے میں لے لیا ہے اور ملزمان کی تلاش جاری ہے۔

پولیس کے مطابق رینجرز کی گاڑی گھوٹا مارکیٹ کے قریب کھڑی تھی جو دھماکے سے شدید متاثر ہوئی۔ ہلاک ہونے والے رینجرز اہلکاروں اور شہری کی لاش قریبی اسپتال منتقل کر دی گئی۔

دریں اثناء کراچی لیاقت آباد میں لالو کھیت کے علاقے میں فورسز کو بم حملے میں نشانہ بنایا گیا جس کے حوالے سے مزید تفصیلات آنا باقی ہے۔

10 جون کو نامعلوم افراد کی جانب سے کراچی کے علاقے گلستان جوہر میں رینجرز کی گاڑی کو دھماکے میں نشانہ بنایا جبکہ ایک گھنٹے کے دوران ملیر میں رینجرز چوکی کو بھی بم حملے میں نشانہ بنایا گیا۔