آواران کے علاقے جھاو سے تعلق رکھنے والے ثاقب بزنجو ولد عبدالستار بزنجو نے اپنے جاری کردہ بیان میں کہا کہ سوشل میڈیا پر جعلی آئی ڈیز کے ذریعے ہمارے خاندان کے خلاف مزموم مقاصد کے تحت ہمیں جرائم پیشہ افراد ( ڈیتھ اسکواڈ) کے ساتھ جوڑ کر بدنام کرنی کی سازش کی جارہی ہے، سوشل میڈیا پر ہمارے نام تصاویر کے ساتھ دیا گیا ہے جس کی ہم سختی سے تردید کرتے ہیں ۔
انہوں نے کہا ہمارا سیاسی تعلق نیشنل پارٹی سے ہے ،اورعوام کو گمراہ کرنے کی خاطر ایک سازش کے تحت ہمارا تعلق جرائم پیشہ ڈیتھ اسکواڈ کے ساتھ رچائی جارہی ہے۔
انہوں نے کہا ہم واضح کرتے ہیں کہ ہمارے خاندان کا تعلق ہمیشہ عوامی خدمت سے رہا ہے ہمارے خاندان نے محکوم عوام کی خاطر قربانیاں دی ہیں ہمیں دانستہ طور پر بدنام کرنے کی ایک ناکام کوشش ہے جس کی ہم مذمت کرتے ہیں ۔
