من ایوک بیان آں
نبشتہ کار : مهم جان گُل
دی بلوچستان پوسٹ
سک دیر اَت ترا نہ دیستگ اَت بلکیں تئی رنگ هم من شمشتگ اَت، بس تئی اَکس منی دیم ءَ گوستگ اَنت من سک کسان بیتگ آں تو چہ منءَ دیر من چہ ترا دیر بیتگاں، بلے یک اُمیتے زندگ بیتگ من زاناں هردوئیں دلانی تہ ءَ اے اُمیت بیتگ کہ روچے نہ روچے من تو دچار کپ آں بلے اے اُمیت آسر بیت نی من تو دوچار نہ کپیں ۔
زند ءِ چاریں نیمگاں بس تهاری اِنت من پیسر ءَ گوشتگ من ءَ نہ تهاریءَ تُرس ایت نہ کہ ایوکی ءَ، منءَ چہ در کسانی اے دوئیں ازم گون اَنت۔ بلے برے برے دل جیڑ ایت کہ اگاں من گار بہ یباں اے تهاری ءُ ایوکیءِ تہ ءَ گڑا من ءَ کے پَد جنت ؟
کسے ھست کہ من ءَ بہ شوهاز اِیت ؟
چشیں مردمے ھست کہ منی شوهاز کنگءِ ھاٹیگ ئےِ مان بہ بیت؟
اگاں منی گم؟؟؟
پد ءَ من دل ءَ جیڑاں کہ مهم جان تو اسلءَ تهاری ءُ ایوکی ءِ تہ ءَ ئے تئی گوشتگیں گپ راست اَنت۔ پرچا کہ تو ایوک بیان ئے پہ تو ھچ نہ مانگ انت، باندا بلکیں تو هم نہ مان ئے تو ایوک بہ ئے وت گار بہ ئے اے نباشدیں دگنیا ءَ ۔
من پد ءَ دل ءَ جیڑاں کہ مهم جان تو راست گوش ئے درست روان اَنت یک یک ءَ منی شوهاز کنوک منی پَد جنوک منی گم کنوک درست…
بلے پد ءَ دل جیڑ ایت کہ مرگ ھست اِنت ھرکسی سر ءَ ساجد پہ زمین مرتگ پہ وتی گیرتگ
داں جھان ھست اِنت تئی نام ھست بیت، تئی پکر روان کنت داں بلوچ ءِ یک پرزندے زندگ ِانت تئی نام ماں بلوچ راج دپترءَ مان اِیت۔
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
