پروفیسر نائلہ قادری نے اپنے جاری کردہ ایک بیان میں کہا ہے کہ وقت اور حالات کے پیش نظر بلوچ قومی تحریک کے حالیہ پیچیدگیوں کو مدنظر رکھ کر ہم اس نتیجے پر پہنچے ہیں کہ بلوچ قوم کو قومی سطح پر ایک منظم پلیٹ فارم کی اشد ضرورت ہے اسی بناء پر طویل گفت شنید کے بعد ہم ایک مئی یوم مزدور کے دن اپنے پارٹی کا اعلان کرینگے۔
انہوں نے کہا کہ ہم نے پارٹی منشور سمیت اپنا مینی فیسٹو بنانے کے لئے بلوچ ادیب و دانشوروں کی ایک کمیٹی بنا لی ہے جو ایک مئی سے پہلے اپنا کام سرانجام دے کر اپنا قومی ذمہ داری پورا کرینگے۔
انہوں نے کہا کہ میں پُر امید ہوں کہ قومی سطح پر ہماری سیاسی پارٹی بہترین اور منظم کام کریگی اور ہماری یہی کوشش ہوگی کہ جو خلاء بلوچ قومی تحریک کے اندر منظم قومی پارٹی خاطر خالی تھا اس خلاء کو ہم پُر کرنے کی سعی کرینگے۔
انہوں نے کہا ہے کہ مقبوضہ بلوچستان اور دنیا بھر میں بکھرے ہوئے 40 لاکھ بلوچوں کو متحد کرنے والی اور ان کی آواز بننے والی پارٹی کی ضرورت ہے، جس کے جمہوری اداروں میں سوال اٹھانے والوں کی قدر ہو نہ کہ سزا دی جائے۔
نائیلہ قادری نے مزید کہا کہ ہم نے مختلف کمیٹیوں کو یہ ذمہ داری دی ہے وہ ایک مئی سے پہلے پہلے اپنا کام سرانجام دے کر ایک مئی یومِ مزدور پر پارٹی کی بنیاد کو یقینی بنانے کی کوشش کریں۔
