شاهجار ــــــــــ دلگوش
نمدی یے سنگتانی نام ءَ ندر انت
نبشتہ کار: شاه بلوچ شاه
دی بلوچستان پوسٹ
ما کدی سرپد بَہ ایں
وَهدے تو گوں ما همراه بہ ئے
زانت ءِ کِشک ءَ درگیج ایں
یکے دومی ءَ همدرد بہ ایں
سنگتاں ما هما روچاں سرپد بوت کن ایں کہ ما یکے دومی ءَ گوں همگرنچ بِہ بَہ ایں.
وَهد یک انچیں کِشکے هچبر رسینگ نہ بیت..وَ بدل هم نہ بیت.. بلے وهد ءِ همراهداری زانگ، وانگ ءُ سرپد بوگ لوٹ ایت۔
چوناھا کواس ءُ زانتکار انچوش گُوش اَنت ۔
وهد چو موسم ءَ بدل بنت
بِزاں کہ موسمانی بدل بوگ ءَ بازیں جاهاں آبادی بیت ءُ بازیں جاهاں کَھت ءُ ڈُکال بیت گُڑا پمیشکا اُود ءِ مردُمانی توک ءَ بدلی یے کیت مال ءُ دلوت هم همے رنگ ءَ بنت.
گُڑا وَهد ءَ را کہ هر وڑیں اڑ ءُ جنجال کُشت هون سر ءَ کَپ ایت، متلب چو موسم ءِ پیم ءَ اود ءِ مردم هم همے وڑ ءَ بدل بنت ءُ ردوم زور ایت۔
هر یکے وتی پیم ءَ بیت گڑا کَس کسئیگ نہ بیت ءُ کَسے ءِ درداں ھم کس نہ مار ایت پمیشکا اے رنگ ءَ درد واری یکے ءِ گوں دومی ءَ هچ پیمیں همراهداری دیم ءَ بوت کُت نہ کنت..
مرچی هم همے آکبت دیم ءَ پیداگ اِنت کسے گِند ایت وتی نیک ءُ بد ءَ پجاہ کار ایت…
گڑا انچو زانتکار گوش انت، وهدیکہ هرچ مشکلے تئی دیم ءَ کیت آئی را پہ وت وشی یے سرپد بو،،،،
اد ءَ دگہ چی یے دیم ءَ گندگ بیت کہ هرچ مردم چہ وتی مچی ءُ گروپانی توک ءَ درکپ ایت ءُ (شون) کنت همے کہ پلانی هراب اِنت ءُ من شر …؟
انسان گوں کردار ءَ زانگ بیت
کجام کِرد کجام زانت….؟
هرکسی وتی راه، وتی راهبند ءُ کرد کنگ اول وتی جند رند ءَ چاگِرد…
بیزاریں چاگرد ءَ کہ تئی جند ءِ همراه ءُ سنگت تئی واستا وتی زندگی ءَ بباد داتگ پہ ترا۔۔۔۔بلے تو پمائی ءَ چے کتگ ءُ چے کن ئے.؟
انگت مِنند ءُ وت ءَ شاهے بہ لیک گُڑا تو کابُل گپ کن ئے.
همے بگوش بس من شرّ اپسوز ءُ بژن کہ زندگی تو چِنچو رنگ ءَ ئے.
اے نہ گُوش ایت ،کہ هما هرابیں مردم ءَ من شرّی ءِ سکین ءَ بِِہ دے آں کہ منی باندا همراه بیت ءُ من ءَ دست ءَ گپت..
شرّ تو وت شرّ ئے۔۔۔هرابیں ترا وتی نیمگ ءَ آرگ لوٹ ایت…
گُڑا سوبمندی هما روچاں تئی نسیب ءَ بیت توری تئی واهگ ءُ لوٹ کجام بِہ بیت بلے ترا رس الم ایت..
زانتکارے گوش ایت، اے کار دْراه پہ زانت بوگ ءَ اَنت ایشاں کس داشت نہ کنت.
اے مارا زانگ لوٹ ایت سنگتاں
چوں اگاں مرچی ما ءُ شُما اے رنگ ءَ بِدار ایں مارا آوکیں پدریچ همے سنگتاں پنچ ما سرءَ جنّ ایں۔
منی گْوشگ ءِ مُراد اے ھم نہ اِنت کہ کسےّ دگہ رنگے ءَ سرپد بہ بیت ..
الحمدالله شُما دوراه وَ چاگِردی رسان در (سوشل میڈیا) ءِ تہ ءَ نِشتگ اِت پمیشکا مرچی دُراہ وت سرپد اِت…
هرکس وتی وڑ ءَ وت ءَ وت سرپد بہ بیت کہ من چے کتگ۔۔ .
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
