موبائل بلوچستان لبریشن فرنٹ کے ترجمان میجر گہرام بلوچ نے وادی مشکے میں پاکستانی فوج اور یوفون ٹاور پر حملے کی ذمہ داری قبول کر لی۔
میجر گہرام بلوچ نے میڈیا میں جاری کردہ اپنے بیان میں کہا کہ کل جمعرات کے روز سرمچاروں نے وادی مشکے کے مکی کور(ندی) میں پاکستانی فوج کے قافلے کی تین گاڑیوں پر گھات لگا کر حملہ کیا۔ گاڑیوں کو راکٹوں اور خودکار بھاری ہتھیاروں سے نشانہ بنایا، جس سے ایک گاڑی مکمل تباہ ہوئی اور اس میں سوار تمام چھ اہلکار ہلاک ہوئے۔
میجر گہرام بلوچ نے مزید کہا کہ بدھ کے روز سرمچاروں نے وادی مشکے ہی کے علاقے بنڈکی میں یوفون کے ٹاور کو نشانہ بنا کر تباہ کیا ہے۔ مذکوہ موبائل فون ٹاور ریاستی فورسز کے لیے مخبری کی نیٹ ورک کے لیے استعمال کیا جا رہا تھا۔
انہوں نے عوام سے ایک دفعہ پھر اپیل کی کہ وہ فوجی قافلوں، ڈیتھ اسکواڈ کے کارندوں اور ان کی سہولت کاروں سے دور رہیں۔
