حوال: تنویر پرکانی
اولیکو توئی علمی دیوان (سنڈے پارٹی) لوڑ کاریز کتابجاہ شال ٹی ہڈ تنننگا ہراٹی ہم خیال سنگتاک بشخ ہلکر۔ دیوان نا مہماندار امجد علی واصف ئس۔
دیوان نا بناء ئٹ شکور بنگلزئی بس تینا خیال آتا درشانی کرے، او ہشت مارچ و زالبول تا مارچ نا بابت ہیت کرے۔
شکور بنگلزئی بلوچستان اٹ زالبول نا کڑد آ ہیت کریسہ پارے کہ بلوچستان اٹ اولیکو فیمنسٹ زالبول مہناز بلوچ ئس۔ اندن شکور بنگلزئی اونا جہد نا بابت ہم ہیت کرے۔
اوکان گڈ تنویر پرکانی بلوچ دود ربیدگی دے نا بابت تینا نوشت ءِ مونا ہیس ہرانا سرحال: “بلوچ کلچر سازشوں کے لپیٹ میں” ئس۔
انیس رحمان سامراجی طاغت و سرمایہ دارانہ نظام نا بابت ہیت کرے ہراٹی او کتاب تا حوالہ غاتے تریسہ گواچن آتے مونا ایس۔
دیوان ٹی ساڑی بلال احمد، میر عبدالعزیز کرد نا زند ئنا بابت ہیت کرے۔ بلال احمد تینا شاعری تے ہم مونا ایس ہرافتے بھاز خوش کننگا۔
اندن دیوان اٹ ساڑی نوید احمد غالب نا و واصف صاحب حبیب جالب نے شاعری تے بنفیر۔
دیوان نا ایسری آ اسہ جاہ منا قرار داد مونا ہتنگار ہرافک دا رنگ ئٹی و کہ؛
1- اینو نا دیوان زالبول تا جہانی دے آ بے گواہ بندغ تا لمہ و ہیڑ تے خراج تحسین پائک ہرافک تدوکا 20 سال آن جہد کننگو۔
2۔ تدوکا دے تیٹ آواران ئٹ ادبی میلہ ہڈ تروکا شبیر رخشانی آ مروکا جلہو نا مذمت کینا و جلہو کروکا بندغ آتے سزا تننگ نا خواست کینہ۔
3۔ تیوہ غا کتاب دوست آ بندغ آتے خراج تحسین پانہ ہرافک کتاب خواننگ نا رواج ءِ مُستی دننگو۔
