کرونا وائرس کے خدشے کے باعث بلوچستان کےتعلیمی ادارے مزید 15 دن کے لئے بند رہیں گے۔ نجی تعلیمی اداروں کا فیصلہ ماننے سے انکار۔
جمعرات کو بلوچستان کے وزیر تعلیم یار محمد رند نے محکمہ تعلیم کے حکام کے ہمراہ پریس کانفرنس کی۔ صوبائی وزیر تعلیم سردار یار محمد رند نے بتایا کہ کرونا وائرس کے پیش نظر بلوچستان کے تعلیمی ادارے 16 مارچ سے 31 مارچ تک بند رہیں گے، وزیراعلیٰ سے صوبے کے تعلیمی اداروں کو مزید 15 دنوں کے لئے بند کرنے کی درخواست کی ہے۔
صوبائی وزیر تعلیم کا کہنا تھا کہ نجی تعلیمی اداروں پر بھی پابندی کا اطلاق ہوگا اور وہ بھی بند ہونگے۔
دریں اثنا نجی تعلیمی اداروں کے الائنس نے ادارے بند کرنے کے فیصلے کا ماننے انکار کرتے ہوئے تعلیمی ادارے کھولنے کا عندیہ دے دیا ہے۔
