آج ہونے والے مذاکرات میں تشدد میں کمی لانے سمیت دیگر امور پر گفتگو ہوئی۔
دی بلوچستان پوسٹ نمائندہ کابل کے مطابق افغانستان میں امریکہ و طالبان کے درمیان معاہدے کے بعد بین الافغانی مذاکرات کے سلسلے آج پہلا باضابطہ رابطہ طالبان و افغان حکومت کے درمیان ہوا ہے۔
اشرف غنی حکومت کی جانب سے قائم امن رابطہ کمیٹی و طالبان نمائندوں کے درمیان ویڈیو کانفرنس منعقد ہوئی ۔
کانفرنس میں فریقین نے تشدد میں کمی، براہ راست مذاکرات اور مستقل جنگ بندی پر تبادلہ خیال کیا ۔
ڈھائی گھنٹے جاری رہنے والی اس کانفرنس میں فریقین نے قیدیوں کی رہائی کےلئے سازگار ماحول پیدا کرنے کے طریقہ کار پر تبادلہ خیال کیا ۔
طالبان و افغان حکومت کے درمیان ہونے والے آج کے ویڈیو کانفرنس میں امریکہ اور قطر کے نمائندے بھی موجود تھے۔
