بندیں کوٹی ءِ جِنک
(چِل ءُ یکُّمی بھر)
اکیل مراد
دی بلوچستان پوسٹ
دْراجی آئی ءِ مِیدّانی وڑ ءَ ءُ گیشتر بدن ءِ پوست کہ ھَور ءِ آپاں شُشتگ کہ ھمے وڑ ءَ اِد ءَ زالانی ءُ چُکانی جان شودی ءِ واستا ایر اِش کَن اَنت آ گْوش اِیت کہ اِد ءِ زالانی دروری ءَ پرانس ءِ زالانی بدن ترند تِر اِنت اَنچُش کہ کھر دِری ءِ زمین آ گیز دیم ءَ گْوش اِیت کہ ھارہ ءِ دمگ ءَ نِزور کَشیں وردنی، ماھیگ ءُ سبزیانی سر ءَ اِنت اشانی ھم ایشی ءِ بھر مندی ءِ بیتین ءُ پد ءَ پژم ءُ ریشم کہ چریشاں گُد جوڑ بنت کہ اے گُد ھر وھد ءَ مزن مزنیں بدناں چَہ دور بنت آزادی ءِ برھنگی بنت
چولون ءِ آِشک کسانُکیں اسپیت رنگیں جنک ءِ گپانی شیدائی جوڑ بیت کجام ھم کِساس ءَ کجام ڈک ءُ در ءَ ھمک بیگاہ ءَ ھما لِزت ءَ زور ایت آئی ءِ سرجمیں زندمانی ءِ وھد آئی ءِ چَماں بس ھمے بیتیں
آ ایشی ءِ گوما شات ءُ شکلی ءَ گَپ کنت بیت کنت آ جیڑ اِیت کہ آ وتی بارو ءَ ایشی ءِ گپاں سرپد نہ بیت آئی ءِ مِھر ءِ بارو ءَ کہ آ سرپدی ءِ کَچ ءَ نہ بیتگ چریشی ءِ بارو ءَ آ ھرچی ءِ گوشگ ءَ جاڑیگ بوتگ بیت کنت آئی ءَ شُبین بوّگ ءَ اِنت آئی ءَ انگت ءَ یکے دومیگ ءَ چَہ ھِچ بر گپ نہ جتگ ابید ءِ بیگاھے ءِ وھد ءَ آ یکے دومی ءَ کوٹی ءِ ٹنگاں تواراں اِش کُن اَنت ھاں ھما کَچ ءَ کہ منی ھیال ءُ زانت ءَ آ نہ زانت آئی ءِ سر ءَ شُبینے بیتگ کہ من سرپد نہ آں
آ ایشی ءِ نیمگ ءَ چارایت نیم چَمی ءِ وڑ ءَ کہ سما بیت نوک نوک آئی ءِ نیمگ ءَ چارگ ءَ اِنت آ ایشی ءِ چھرگ ءَ چَہ وتی ساہ ءَ کَشان اِنت آ جنک ءِ ساہ ءِ پیم ءَ دم زورگ ءَ اِنت چم چو نیم چَمی ءِ وڑ ءَ اَنت اے گرمیں گوات کہ جنک ءِ دپ ءَ درایگ ءَ اِنت آئی ءِ واستا آ بدن ءِ دارگ مُشکل ءَ چَہ مُشکل تِر بیان اِنت اے بدن دومی بدن ءِ داروک نہ اِنت آ انگت ءَ توامی نہ اِنت کوٹی ءِ تہ ءَ آ مزن بوّگ ءَ اِنت
انگت ءَ ھِچ وڑ ءَ ھِچ کار ءِ واستا توامی نہ اِنت بَلے آؤکی ءَ وتی کَچ ءَ رسان اِنت بس اود ءَ ناں کہ آئی ءِ نگاھاں گِندگ بیگ ءَ اِنت آ دگہ جاھے ءَ ھم آ کَچ ءَ نگاھاں چَہ شنگ بیان اِنت
بیمناکی ءِ نیمگ ءَ مرگ ءِ نیمگ ءَ آ نرم اِنت آ سرجمیں لِزت رِچ اَنت ھمے وڑ ءَ آ توامی ءِ اُمر ءِ کَچ ءَ رس اِیت ایشی ءِ تہ ءَ ھچ رد کپی دیگی نیست بیمناکیں کَچے ءَ داں مجگ ءِ لَھڑ سر بنت
کِسہ روان اِنت سپر ماں پرانسی جِنک ءَ ـ ـ ـ
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
