بندیں کوٹی ءِ جِنک
(چِلّمی بھر)
اکیل مراد
دی بلوچستان پوسٹ
آیاں یک رنگیں وڑے ءَ چار اَنت یک وڑ ءَ گِندگ ءَ بنت کہ یک وڑیں رنگ ءَ ورنائی ءِ رنگ دیگ بیتگ اَنت مھلوک ھمیشی ءَ لوٹ اَنت کہ اے دل سِتکی ءُ اے زانتی اے کٹم ءِ میان ءَ گوست ءِ یاتگیری اِنت چُشکہ چریشی ءِ پُشدر ءَ آیانی مردم گِری ءُ آیانی راستی ءَ منگی دے اَنت ھمینکس ایشی ءِ تہ ءَ دل سِتکی بیتیں ھمینکس ایشی ءِ کارستانی راستی بنت کہ اے کُٹم ءِ سرجمیں بھر بیتگ اَنت چریشاں چَہ ابید مردیناں یکیں وڑ ءَ پاگ سر ءَ اِنت ءُ جنیناں یکیں وڑ ءَ گُد گور ءَ اِنت، ءُ یکیں رنگ ءَ گِپتگیں مِد ءُ مردین ءُ جنینانی یکیں وڑ ءَ چِست بیتگیں کالرانی گُد گور ءَ اَنت
ایشانی چھرگ ءِ تہ ءَ یکیں وڑ ءَ جَلوانکی ءِ جزبگ اِنت کہ مروچی ءَ پد ھرجاہ ءَ اگاں تو کَسے ایشاں بہ گِند اِیت ھم پجاہ اش کار اِیت ءُ منی مات ءِ چھرگ ھم ھما سھر رنگیں گدانی اکسِ اِنت کہ ھما رنگیں جلوانکیں جبزگ ءِ بیتگ کہ آئی ءَ مدام پُر شکیں رنگے ءَ چاریتگ لھتے مردم گْوش اِیت کہ اے گپ گوشداروک ءُ بروکے لھتے دگہ وڑیں مانا دنت
آ اے بارو ءَ گیش گپ نہ کَنت اے گپ راستی ءِ کہ آ ایشی ءِ گوما آروس کنگ ءَ وتی پِت ءَ گیش گْوشت نہ کنت پِت وتی چُک ءِ سر ءَ دگہ گیشیں گمیگی وت ءَ کُت نہ کَنت آ کسے ءِ واستا وت ءَ گمیگ نہ کنت چین ءَ چَہ اتکگیں دراھیں مردم کہ آیانی دست ءِ تہ ءَ شھر ءِ کاروبار سبز رنگیں ھِشتی ءِ ماڑی بالکونی والا درستاں چہ ترند گیر اِنت دُرستاں چَہ گیش زَردار اِنت کہ آئی ءِ مال ءُ مڈی سادِک ءَ چہ دوریں جاھاں شنگ ءُ شانگ اَنت چولون ءَ داں کہ پرانسیسی ھند چین ءِ راجداری اِنت
چولون ءِ مرد زانت کہ ایشی ءِ پِت ءِ ءُ آ جِنک ءِ گپ یک اَنت ءُ آ ھم بے مٹیں ردی ، لھتے وھدانی تہ اے گپ ءِ سرپدی ءِ آیگ بندات کَنت ایشی ءِ روانگی کہ آئی ءَ چَہ جتا کنت ایشی ءِ ھما کِسھانی واستا یک کارِستے جوڑ بیت
آ اے وڑیں جنکے نہ اِنت کہ آئی ءِ گوما آروس بہ کن ئے آ کَس ءِ گوما آروس کَنت چراھی ءَ چَہ گِسر بیتیں آ بیھال کنگ بہ بیت آ یل کنگ بہ بیت آ واتر سھررنگیں براتانی دست ءَ دیگ بہ بیت کہ ھما بیتگ اَنت آئی ءِ بدن اش پھریز اِتگ کسانوکیں جنک ءِ بدن ءِ درد ھلاس بیتگ اَنت آئی ءِ چیریں ازمکاری ءَ چَہ ءُ ھما وڑ ءَ کہ اے وَ اجکھی یےِ بیت کہ ایشی ءِ مات ءَ پیسر ءَ چَہ سُد ءُ سما نیست ھمے وڑ ءَ کہ آئی ءَ اے ھم پدر کُرتگ کہ بیت کَنت اے بدن وش ءِ بیتگ توامی ءَ رَس اِتگ کجام دومی بدن ءِ وڑ ءَ اے آ چولون ءِ آشِک ءِ ھیال اِنت کہ کسانکیں اسپیتیں جِنک ءِ گرمیں وردنیانی سوْب ءَ توامی ءَ رَس اِتگ آ وت ھم ھمے گرمی ءَ ودی بیتگ ءُ گواڑگ ءَ ترکیتگ ءُ مزن بیتگ
آ ایشی ءِ ھمراھی ءَ گوستگیں چیزاں پَٹ ءُ پولی کنت ءُ گْوش اِیت کہ اِد ءَ گوستگیں دراھیں سالاں چَہ اے بے مٹیں اوپار ءِ زانت ءَ آ انڈوچین ءِ یک جنکے کُتگ آئی ءِ انارکاں دل کَشیں بچکند آئی ءِ برنگلیں مِد کہ آیانی بارو ءَ گْوش اَنت درستیں زور ءَ آ وتی تہ ءَ دار اَنت
کِسہ روان سپر ماں پرانسی جِنک ءَ ـ ـ ـ
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
