کوئٹہ میں سی ٹی ڈی اور حساس اداروں نے کارروائی کرتے ہوئے بم ڈسپوزل اسکواڈ انچارج عبدالرزاق کو ہلاک کرنے والے شخص کو گرفتار کر لیا – فورسز کا دعویٰ
ترجمان سی ٹی ڈی کے مطابق کاونٹر ٹیرارزم ڈیپارٹمنٹ اور حساس اداروں نے کوئٹہ میں مشترکہ کارروائی کی جس میں پولیس کے اسپیشل برانچ بم ڈسپوزل اسکواڈ انچارج عبدالرزاق کو بم سے اڑانے والا شخص گرفتار کرلیا گیا۔
محمد وسیم کو سریاب روڈ سے گرفتار کیا گیا جس کے قبضے سے حساس دستاویزات برآمد کرلی گئیں۔
خیال رہے سریاب روڈ پر 13 فروری 2017 کو بم ناکارہ بناتے ہوئے بی ڈی اسکواڈ کے انچارج کمانڈر عبدالرزاق سمیت دو پولیس اہلکار ہلاک اور15 زخمی ہوگئے تھے۔
