نمدی یے پہ بلوچ رھشوناں
نبشتہ: سوبین بلوچ
دی بلوچستان پوسٹ
دروت درھبات اِت
تنگیںں واجھاں وشنام بات اِت ءُ زند ءِ نگیںگیں جاوراں وژنامی پہ وتی منزل ءَ پُجات اِت، واجھاں بلوچ لس مھلوک ورنا، پیر ءُ کماشاں اے بست سال ءِ جنگ ءُ بہ جنگ ءَ وتی نگرھیں جان اِش پہ بلوچ سرڈگار ءِ ھاتر ءَ کربان کتگ ءُ انگت کنگ ءَ اَنت، اے کاروان ءِ تہ ءَ بلوچ سیاسی گلانی باسکاں بگر داں رھشوناں ھم وتی جان کربان کتگ اَنت، بکول ء شھید گلام مھمد بلوچ ئیگ ءَ کہ جاھے ءَ وتی گشتانکے ءِ تہ ءَ گش اِیت،
“اے جنگ ما بنا کتگ ، بزاں اے جنگ مے سر ءَ چگل دیگ نہ بوتگ”
اے گپ چارگی انت اگاں ما اے جنگ بنا کتگ گڑا آیا ما کجام سائنسی ءُ پکری رھبنداں گوں بنا کتگ، ما اے بیست سالی مُدّت ءَ چنکس بباتگ ءُ چنکس وتی کتگ ءُ پیش داشتگ ، مے مستریں سیاسی پارٹی بی این ایم انت کہ 2003 ءَ منی ھیال ءَ پاکستانی پارلیمانی رھبنداں یل ءَ کنت بلوچ ءِ وت واجھی ءِ سیاست بنا کنت اے پانزدہ سال ءِ سپر ءَ بی این ایم ءَ بلوچ جھد داں کجا سر کتگ،،،،، ؟
منی ھیال ءَ ما کل سرپد ایں کہ مے جھد تنی وھدی آ جاہ ءَ سر نہ بوتگ کہ لس مھلوک سر ءَ برز بکنت ءُ مے توسیپ ءَ بکنت یا دنیا ءِ ھما پاور کہ استان آھانی دلگوش ءَ وتی نیمگ ءَ ترینت بکنت، دومی مے واجکار ءُ رھشوناں کہ تنی وھدی چہ وتی زاتی زِد ءُ کینگاں ءُ میری ءُ سرداری سوچ ءَ چہ در نیاتکگ اَنت بی آ ر پی واجہ براھمدگ ءِ سیاسی پارٹی انت کہ تنی وھدی وتی تہ ءَ مانگیش اِتگ چہ سرداری ءُ نوابی سوچ ءَ انگت درنیتکگ، واجہ ھیربیار یک زمانگے میے کل بلوچ مھلوکات ءِ دلانی تہ ءَ جاگہ کتگ ات ئِے ءُ بلوچ مھلوک ءِ باندات ءِ امیت ات، بکتاور ءَ گوں وتی ناسرپدیں مریداں بلوچ مھلوک ءِ دیم ءَ وتی بستار( image value )ھنچو دور داتگ کہ ھبر کنگ نہ بیت، ایدگہ سیاسی پارٹی یا کہ organization استاں برائے نام استاں ، بی ایس او آزاد ءِ سر پہ در بی این ایم کہ مے راج ءِ مستریں سیاسی پارٹی انت کہ دگنیا ءِ ھما تاکتان ءَ گوں سپارت کاری ءَ انگت دلجم کت نہ کتگ.
وھد ھالات سک باز نازرک انت ھنچو گشاں سیمی جھانی جنگ نزیک بوگ ءَ انت، امریکہ ءُ ایران سرد جنگ ءَ چہ پد گمان ھمیش انت ھرابیں جنگے ءِ نیمگ ءَ روگ ءَ اَنت، دنیا دو بلاک ءَ بھر بوگ ءَ انت یک نیمگ ءَ امریکہ ءُ آئی ءِ تپاکیانی ءُ دومی نیمگ ءَ ایران ءُ آئی ءِ تپاکیانی استان اَنت ، مے سیاسی رھشون بچار اَنت آھاں چنچو سیاسی ءُ جنگی ھساب ءَ وت ءَ دگنیا ءِ دیم ءَ منارینتگ ءُ چنچو سپارت کاری کتگ، منی ھیال ءَ دگنیا تنی وھدی چہ مے رھشوناں دلجم نہ انت،پمشکا مارا شریں چمے ءَ چارگ ءَ نہ انت ، اے مارگی انت اے گرانیں ھالتاں ما بلوچ کوم چنچو وتی پھریزگ ءَ تیار ایں، آیا سیمی جھانی جنگ کہ بیت ما چنچو اثر مند بہ ایں، دگنیا ءِ تہ ءَ بازیں پرشت ءُ پروشے، بدلی ءُ سدلی یے کیت، ما بچار ایں مے بلوچ کومی سیاست ءَ وتی مھلوک ءِ تہ ءَ وت ءَ چنچو منارینتگ ءُ دگنیا ءِ ھما تاکتاناں چہ باور داتگ، ،،،؟
مارا وتی اے دراج کشیں جھد ءِ سپر یکبرے پد ءَ شرگداری ءِ نگاھے ءَ چارگی انت ءُ وتی سیاسی ءُ جنگی ادارہ گوں آشوبی ءُ جموری رھبنداں ساسارگی انت ، spishallya لس مھلوک ءِ چم گوں بی این ایم ءِ رھشوناں سک اَنت کہ یک بلوچ ماس پارٹی یے (mass party ) گشگ بیت انت آیا بی این ایم ، اے رند ءَ بلوچ کوم ءَ را چونیں لیڈر شپے دات کنت کہ آ بلوچ کومج جھد گوں اے نگیگیں جاوراں دیم پہ دیم بوت کت بہ کنت؟
اُمیت اِنت شما ھمے بارو ءَ یک شریں گامگیجے زیر اِت ءُ جنزان بہ اِت، من نہ گُش آں راجی جنزانی تہ ءَ نزوری نہ بنت، نزوری بنت بلے اے نزورانی گرگ ھم الّمی اِنت.
مدام سوبمند بات اِت ءُ بلوچ راج آجو بات
رمس 17 / 1/ 2020
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
