مسخت
نوشت: علی بلوچ
دی بلوچستان پوسٹ
ہمو زند کہنگ آن پد زندہ سلک ہرا نا مسخت اسہ مظلوم ءُ قوم اسیکہ انصاف مرے۔ دُن انگا سخت انگا مسختاک اسہ کنڈا کاٹم خوارہ تو ایلو کُنڈا اسہ اندن ءُ خوارو زند ئس خوارہ کہ ہرادے چُنکا است بیرہ سوچہ ہم است بٹے۔
مسخت بندغ ءِ خل اس ہم کیک، پُھل اس ہم کیک۔ نن تو باسُنو کوٹی اسیٹی تولوک سوچ خلینہ کہ آجوئی ءِ ہد کرین، یخ انگا مُد ئنا باسُنا بیرم است مفک ننے حالانکہ جوان چانہ ننے بیدے آجوئی آن پین ہچ ئس ہم آسراتی ئس بشخپرو ولے دا آسراتی اسکا سر مننگ ننے آن دتر نا دریا خوائک ننے آن بے کچ کاٹم خوائک۔
آجوئی کہ تینا بندغ ءِ اخہ در خوار مروئی مریک داتو پاش ءُ ہیت ئسے ولے دا کسر نا کسری تا است بڈی کہ اُرا تے ٹی باسُنا بیرمتے ٹی خاچوکا ورنا تے تو اِرا مہری ءُ لوز ہم ودی مف تو دُن انگا قوم آخبتی غلام مریک۔ اگہ نن دا جہد نا پُرجوزہ غا ایلم تا سخت انگا وخت ءِ خنن ڈے ئتو ڈے ئنا آجوئی کہ است ئنا ہب ئٹی مروکا مہروانتا حال ءِ اُرِن تو یکدم است ئٹی اندا خیال بریک کہ سلام ءِ اوفتے دا سُو تڑوکا یخاتے ٹی دُنگا پینگُن انگا برفاک کہ بُڑز انگا درختاتے پورے ٹپی دکّی بینگُن دمدر اُراتے آن مُر بُڑز ءُ بے لیازا مشتے ٹی بے سر ءُ سامان امر دے تے تینا گدریفنگو۔
.
نن کونا قلم کارک دے و نن صدی تے کا لکّھن ہم اوفتا اسہ دیخو خواری ئسے نا یا دمدری ئسے نا کچ بفنہ
اوفتا سم ئنا جخّوکا ٹپاتے کہ ننا تیوی نوشت دنیا ندر مرے
.
اللہ جان آن تینا ایلمتا سرسوبی کہ است ئنا ھُب ئٹی دعاگواُن
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
