دتر چُر آ بلوچستان
نوشت۔یار جان زیب
دی بلوچستان پوسٹ
پین انتس سلیس پا داڑے
بندغی نا کہ لاش تموکے
بلوچستان کل ء آسرات کروکا ڈغار۔ہرانا خیسن،خل،گیس، در ملک آ کارا ہراناڈغار آ اونا باتی تے اوتا حق سرمفک ہراڑے ہر گام دتر،لاش،مسخ آ جون آک ننے نظر بریرہ ۔نالی او دیر تو اسل افس داتا ہیت ء کننگ ہم۔ننے آ راوہ اف۔
اسے پاراغا سرزمین اٙٹ اغواء لاپتہ غا ورنا تا بازیابی یا مسخ آ لاش آتا داستان ہراختم مننگ نا پن ء الپک تو ایلو پارا غا خونی آ روڑ ہرا ہر دے ننے آن اسے کوپہ اسے جتاکیک۔
2019 ہمو سال اس کہ کوئٹہ کراچی روڑ آننے دتر نا رنگ او گند ہر موڑ آ نظر بسکہ۔دترنا گوازی ٹی ورنا،پیر،نیاڑی ،نرینہ،چنا تیتو اوار سادار آک ہم وجودے تینا دتر چُر خنارک۔اسے رپورٹ اسے نا پاننگ ء کہ 2019ٹی کوئٹہ کراچی نا دا خونی آ روڈ 3000 نا کچ آ بندغ آتا زندگی ء خاک تون اوار کرے ہرانا سیدا امواری حکومت ء وخت نا مریک کہ داکل کن اقدام کہ ولے حکومت انتئے دن کیک؟؟؟؟حکومت ئے داسکا تینے سمبلینگ نا وس اف او روڈ انت جوڑ کروئے۔
اینو نا ایم پی تا نظر اس شان تو او اسے اداہ اسے نا مونا تولوک تینا صوبہغان پیشن مروکا گین کن احتجاج کننگو ہرا ظاہر کیک کہ اوتے اخس طاقت ارے او ننکن انت کرور۔
منہ وخت مست کہ قرارداد اس پاس مس کہ کوئٹہ کراچی روڈ ء ڈبل کننگو ولے او ہم بیرہ ہیت مسر۔
چندی تا اُراتا ورنا غا گلاب آتے دتر چُر کفن بند خننگ آن پد ہم بس ہیت کینہ نن بیرہ ہیت کن جوڑ ء دا قوم پین ہچ کاریم نا اف۔درجان پرکانی اسیسٹنٹ پروفیسر اف بلوچستان یونیورسٹی نا ہننگ او اونا جمسڑ گودی نمرہ پرکانی نا ٹپی مننگ باز بھلو غم اسے۔
بلوچستان کن اندن دا اولیکو غم اف داکان مست عبداقہارجان او ایلو ورناک نناہراتا چہرہ غاک اوتا اُرا والا تے اینو اسکا یات او دام ء آخر یات سلور۔
داروڈ آکاریم تون اار اوار سپیڈ لمیٹ اس ہم مرے کہ داک زیات رفتار اٙٹ اسے گاڑی ہم امپ ولے دا افسوز نا گپ اسے کہ داملک اٙٹ نہ قانون ارے نا عدالت بس اسے ادارہ اسے نا راج ء ا ادارہ خواپک بلوچستان ترقی کہ یا اونا مخلوق مونی برے یازندہ سلے۔
ولے داسہ دال ء بدل کروئی تمک تینا مخلوق نق زندگی تے بچفینگ کن گام ہرفوئی تمک روشنوں سہب اس نشان تروئی ء بے شک دان ننا زند قربان مرے پرواہ اف۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
