ینگ ڈاکٹرز ایسوسی ایشن بلوچستان کے ترجمان کی جانب سے جاری کردہ بیان میں کہا گیا ہے کہ ٹراما اینڈ ایمرجنسی سینٹر میں مخصوص ملازمین کی جانب سے ڈاکٹروں کو ان کے مریضوں کے سامنے تضحیک کا نشانہ بنایا جاتا ہے جس پر مینجنگ ڈائریکٹر ٹراما سینٹر اپنی مکمل نااہلی کا ثبوت دیتے ہوئے بجائے ملازمین کی اصلاح کے ڈاکٹروں کیساتھ غیر مناسب رویہ اختیار کرتے آرہے ہیں جس کی بھرپور الفاظ میں مذمت کرتے ہیں۔
بیان میں کہا گیا ہے کہ ڈاکٹروں کی اس تضحیک آمیزی اور مینجنگ ڈائیریکٹر ٹراما سینٹر کا ڈاکٹروں کیساتھ ناجائز رویے کیخلاف احتجاجاً ٹراما سینٹر میں سروسز دینے سے مکمل طور پر بائیکاٹ کا اعلان کرتے ہیں۔
ترجمان کا کہنا ہے کہ ٹراما میں دن رات فرائض سرانجام دینے والے ڈاکٹروں کی عزت نفس پر کسی قسم کا سمجھوتہ نہیں کیا جائیگا لہٰذا ینگ ڈاکٹرز ایسوسی ایشن بلوچستان حکام بالا سے مطالبہ کرتی ہے کہ موجودہ نااہل اور بے اختیار مینجنگ ڈائیریکٹر ٹراما سینٹر کو فی الفور معطل کرنے کے احکامات جاری کرتے ہوئے ٹراما سینٹر کیلئے ایک قابل اور بااختیار مینجنگ ڈائیریکٹر تعینات کیا جائیں تاکہ دن رات ڈیوٹیز سرانجام دینے والے ڈاکٹروں کی عزت نفس مجروح نہ ہو۔
ترجمان نے واضح کیا کہ سنڈیمن پراونشل ہسپتال کے ایمرجنسی سینٹر میں بدستور اپنی خدمات سرانجام دیتے رہینگے۔
