رات گئے دیر فورسز نے شاہرگ کے علاقے کلی تنگئی میں دو گھروں پر چھاپہ مار کر دو افراد کو گرفتار کرکے لاپتہ کردیا ۔
دی بلوچستان پوسٹ نیوز ڈیسک کو ملنے والی اطلاعات کے مطابق ضلع ہرنائی میں شاہرگ کے علاقے کلی تنگئی میں پاکستانی فورسز اور خفیہ اداروں نے چھاپہ مار کر دو افراد کو گرفتار کرکے نامعلوم مقام پہ منتقل کر دیا ۔
گرفتاری کے بعد لاپتہ ہونے والے افراد کی شناخت مامو ولد مراد خان مری اور رضا خان ولد ملا قمبرانی کے نام سے ہوئی ۔
ایک مقامی ذرائع نے ٹی بی پی کو بتایا کہ چھاپے سے قبل فورسز نے پورے کلی کو محاصرے میں لیا ۔
واضح رہے کہ بلوچستان کے مختلف علاقوں سے اس وقت ہزاروں کی تعداد میں بلوچ پاکستانی فورسز اور خفیہ اداروں کے ہاتھوں گرفتاری کے بعد لاپتہ ہوچکے ہیں ۔
ان ہی لاپتہ افراد کی بازیابی کےلئے کوئٹہ پریس کلب کے سامنے گذشتہ ایک دہائی سے پرامن احتجاج جاری ہے ۔
