یک سالے ءَ پیش
سفرخان بلوچ
دی بلوچستان پوسٹ
یک سالے ءَ پیش روچ جمعہ اَت ہرکس ثواب ءِ نیّت ءَ نوکیں گُد ءُ پوشاکانی تیار کنگ ءَ ات ءُ جان شُودگ اَت کہ نماز ءَ روان ءُ ثواب کٹ آں،من گوں وتی دگہ چار سنگت ءَ تیاری کنگ اِت اَنت ما ثواب ءِ کٹگ ءَ مسیت ءِ بدل ءَ وتی میتگ ءِ نزیک ءِ کوہ ءَ رواں پکنکے کن آں ۔
وھد سُھب ءِ سر اَت ما گوں سنگتاں دیوان اِت اِیں کہ کسے دکان ءَ دیم داتگ اَت کہ برو سامان بزور ءُ بیا دگہ یک سنگتے منجل ءُ تالکاں تیار کنگ ءَ اَت ءُ من پرزونگ ءِ دیم ءَ نشتگ اِت اَنت ءُ نوک ناشتہ بندات کتگ اَت کہ ٹی وی ءَ نیوز ءِ بندات بوت کہ کراچی ءَ چینی قونصلیٹ ءِ سر ءَ اُرش بوتگ۔
کَے کتگ؟
چونیناں کتگ ؟
کس سرپد نہ اِنت بس اُرشے بوتگ۔
ساھتے ءَ پد مالوم بوت کہ اُرش بلوچاں کتگ راستی ءَ ہرکس اے وھد ءَ اے لوٹگ ءَ اَت کہ باریں اے اُرش کَے کَے ءَ کُتگ ایشانی اکس کدیں تالان بنت۔
منی چم گوں موبائل ءَ سک اِت اَنت کدیں ایشانی اکس شنگ بنت ھمُک مسیج کہ اتک بس یکیں اُمیت ءَ مسیج ءَ پچ کت کہ بلکیں سنگتانی اکس بنت،
ساھتے ءَ پد منی دیم ءَ نشتگیں سنگتے موبائل ءَ مسیج اتک سنگت کہ انچوش مسیج پچ کت گْوش اِیت بی ایل اے ءَ سنگتانی اکس شنگ کت اَنت ،،کُجا کُجا، باریں موبائل ءَ بِہ دے چارانے، وتی موبائل ءَ پچ کن گروپ ءَ اتکگ اَنت من ءَ سنگت ءَ گْوشت من دست موبائل ءَ برت لاک پچ کت چم انچوش کہ گوں فوٹو ءَ کپت منی دپ ءَ انچوش ڈارکٹ دراتک اے یکّے و وسیم انت، کُجام وسیم منی دیم ءِ سنگت ءَ من ءَ جست کت؟ مئے وسیم گجرک آئی پد ءَ وتی موبائل زُرت اکس پد ءَ چارگ بندات کُت ھو راست اَنت اے وسیم اِنت ھمے وھد ءَ مئے آ دگہ ھمراہ اتک اَنت گاڑی ءَ آئرن جت ما درس پاد اتک اَنت لوگے لائیٹ سرجم ءَ کُشت اَنت بلے رودراتکی نیمگ ءَ چہ روشن دان ءَ چہ رژنائی انگت لوگ ءِ تہ ءَ پیداک اَت ما لوگ کُبل کُت دیم پہ پکنک جاہ رھادگ بوت اَنت۔۔۔۔۔۔
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
