کراچی کی بڑی سیاسی جماعت متحدہ قومی موومنٹ (ایم کیو ایم) کے بانی الطاف حسین پر اگست 2016 میں نفرت انگیز تقریر کرنے کے کیس میں برطانیہ میں فرد جرم عائد کر دی گئی ہے۔
لندن کی میٹرو پولیٹن پولیس نے ان پر تشدد پر اکسانے کے الزام میں دہشت گردی کی دفعات کے تحت فرد جرم عائد کرنے کی تصدیق کی ہے۔
پولیس کا کہنا ہے کہ انسداد دہشت گردی کمانڈ نے 66 سالہ شخص پر لوگوں کو تشدد پر اکسانے پر فرد جرم عائد کی ہے۔
میٹرو پولیٹن پولیس کے اعلامیے کے مطابق نفرت انگیز تقریر کے الزام میں بانی ایم کیو ایم ضمانت ختم ہونے پر 4 ماہ میں تیسری بار برطانوی پولیس کے سامنے پیش ہوئے۔
بانی ایم کیو ایم پر اگست 2016 میں اشتعال و نفرت انگیز تقریر کے ذریعے کراچی میں لوگوں کو تشدد پر اکسانے کا الزام ہے۔
