درین نا اولیکو شمارہ براہوئی و بلوچی افسانہ غاتا بابت مرو۔
براہوئی و بلوچی ادب و بولی نا خذمت کن اسہ پین ودکی اس “درین” نا پن اٹ مننگے ہرا بلوچستان نا پنی آ نوشتکار پروفیسر منظور بلوچ و اے آر داد نا ادارت اٹ ہڈ تننگو۔
براہوئی و بلوچی ادب و بولی کن داکان مُست بھاز آ رسالہ و اخبار آک شینک مننگو۔
درین نا ایڈیٹر ایڈیٹر غنی بلوچ و سب ایڈیٹر یاسر جی ایم ءُ ہرافک داکان مُست زبان و ادب نا پڑ آ کاریم تون اوار خوانندہ گل آتا پڑ آ گچین ءُ کاریم کرینو.
دی بلوچستان پوسٹ تون ہیت کریسہ ایڈیٹر غنی بلوچ پارے کہ اولیکو شمارہ اٹ براہوئی و بلوچی نا افسانہ تا بابت مرو ہراٹی براہوئی و بلوچی اٹ افسانہ غاتا بناء و ودشت تون اوار جہانی افسانہ غاتا مَٹ، افسانہ نگار آتا تخلیق و اوفتا لائخی تا بابت گپ و تران تے جاگہ تننگو.
غنی بلوچ پارے کہ درین نا اولیکو مسخت براہوئی و بلوچی ادب ءِ مُستی دَننگ، نغد کاری نا دود و پوسکنا ادبی تھیوریز آک مرور۔
