یاتانی دریگ
نبشتہ : ھَسا بجار
دی بلوچستان پوسٹ
مُرگ آپ
تُربت ءَ شهید پِدا اھمد چارراه ءِ سر ءَ سُهب ءِ بیل ءَ بی این ایف ءِ نیمگ ءَ روانکے بوتگ اَت، بی اس او ءِ نیمگ ءَ بانک کریمہ گوں گهارانی همرائی ءَ مزنیں کچے ءَ اتکگ اَت، بی این ایم ءِ بازیں سنگتے هوار ات، چئیرمین ھلیل شهید، منان جان یک مزنیں روانکے اَت پد ءَ شهید پِدا چوک ءَ روانک مچی یے ءِ دروشم ءَ جم بوتگ اَت ،” پاکستانی بنڈل بازیں آج ٹی وی چینل ءِ طلت” هم ساڑی اَت ءُ بیگاه ءِ بیل ءَ شاپور هوٹل ءَ (طلت) ءَ مراگشے ٹهینتگ اَت ، بی این ایم ءِ نیمگ ءَ سنگتان چئیرمین ھلیل راه دات ءُ من شهید منان جان ءُ دگہ سے سنگت شُت ایں، شهیدانی دوار مُرگ آپ ءَ کہ اود ءَ واجہ ابدلنبی چہ پسنی ءَ دراتکگ ءُ پیداک ات ،شهیدانی پتر ءَ ما جهل بیگاه ءَ شهیدانی دوار ءِ (کراس)ایرکپ جاہ ءَ سر بوت ایں ، بلے واجہ ابدلنبی بنگلزئی سک باز دیراں سر بوت چانُگر واجہ ءِ همراهاں چہ یکے شهید سدیک اِیدو اَت ءُ دگہ یک ءُ دو کس اِت اَنت، آهاں واجہ مئے دست ءَ دات وت واتر بوت اَنت، ما شپ کپتگ اِت ایں سنگتاں سوڑگ کُت کہ نی شپ انت دوار ءِ زیارت ءَ سُهب ءَ کا ایں ،ما شُت ایں تُربت ءَ اود ءَ واجہ ءِ دیوان بی این ایم ءِ سنگت زاکر ءِ گس ءَ ماں آپسر ءَ ٹهینگ بوتگ اَت ، ما کہ رس اِت ایں داں چئیرمین ءَ هم وتی مراگش جتگ اَت ءُ دیوان ءَ اچ ما پیش ساڑی اِت اَنت ، بازیں سنگتے ساڑی اَت ، نُگلیں اسا زَپر هم همد ءَ اَت ، واجہ ءِ رسگ ءَ گوں سنگتاں واجہ وش اتک کُت ،دوا هیر ءَ پد هال ءُ اهوال بوت پد ءَ واجہ ءَ دیوان ءَ چہ رزا لوٹ اِت ءُ شت نماز ئِے کُت پد ءَ کہ دیوان جم اِت داں گوں نندگ ءَ واجہ ءَ پُرس اِت کہ منی سنگتے همے دمگ ئیگ انت، باریں کجا بیت ، تہ سنگنتاں پُرس ات کہ کے انت واجہ ؟
داں ابدلنبی بنگلزئی ءَ پہ پهر گُشت ڈاکٹر ھنیپ شریپ ، منی دپ ءَ دراتک کہ همد اِنت واجہ! ، داں واجہ ءَ گُشت کہ بیار ات ئِے ، چئیرمین ءَ ڈاکٹر هال کُت ءُ چئیرمین ءَ منی نیمگ چار اِت کہ شپ سک بے وهد اَت ءُ ڈاکٹر ءَ دیر نہ اَت کہ چیریں زندان ءَ دراتکگ اَت ءُ آئی ءِ لوگ ءِ مردم سک پھریزگ ءَ اِت اَنت ، آئی ءَ شپاں دیر ءُ گوراں درایگ ءَ نہ وش اِت اَنت، ڈاکٹر اش شپاں درایگ ءَ مَکن کتگ اَت ، من ءُ سنگت باھڑ در کپت ایں شُت ڈاکٹر ءِ نیمگ ءَ ڈاکٹر ءَ مات ءِ گور ءَ منی نام گپتگ اَت کہ من هسا ءِ گور ءِ روگ ءَ آں ، ما ڈاکٹر زُرت ءُ شت ایں واجہ ءِ دیوان ءَ ڈاکٹر کہ رس اِت، واجہ ابدلنبی داں دیوان ءَ نشتگ اَت ، گوں ڈاکٹر ھنیپ شریپ ءَ هال ءُ اهوال ءَ پد آهاں بازیں جیڑهانی سر ءَ باوست کُت ، سیاست، جنگ ، لبزانک شپ ءَ وتی زور جتگ اَت دیم پہ بام ءَ جنزان اَت ، سُهب ءَ پد ءَ واجہ گوں سنگتانی همرائی ءَ مرگ آپ ءُ پد ءَ تمپ ءُ مند ءَ شت اَنت ،واجہ چئیرمین ءِ پتر ءَ
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
