بلوچستان کے ضلع کیچ میں دو مختلف حملوں میں پاکستانی فورسز کے اہلکاروں کو نشانہ بنایا گیا جس کے نتیجے میں انہیں جانی و مالی نقصان بھی اٹھانا پڑا۔
اطلاعات کے مطابق کیچ کے علاقے دشت میں مچات کے مقام پر فورسز کی گاڑی کو بارودی سرنگ سے نشانہ بنایا گیا جبکہ دوسرا حملہ دشت ہی کے علاقے بل نگور میں پنسن کور کے مقام پر فورسز کی چوکی پر گیا۔
ذرائع کے مطابق مذکورہ حملوں میں فورسز کو بھاری جانی نقصان اٹھانا پڑا ہے جبکہ مچات حملے میں شدید زخمی ہونے والے اہلکاروں کو ہیلی کاپٹر کے ذریعے طبی امداد دینے کے لیے دیگر شہروں کو منتقل کیا گیا۔
مقامی ذرائع کے مطابق فورسز کی بڑی تعداد مچات اور پنسن ندی پہنچ چکے ہیں اور ان علاقوں میں آپریشن کا خدشہ ہے ۔
عسکری حکام کی جانب سے نقصانات کے حوالے سے تاحال کوئی بیان جاری نہیں کیا گیا ہے اور نی ہی حملے کی ذمہ داری کسی گروپ کی جانب سے قبول نہیں کی گئی ہے۔
تاہم مذکورہ علاقوں میں اس سے قبل بلوچ مسلح آزادی پسند تنظیمیں سرگرم رہے ہیں۔
