بلوچستان لبریشن فرنٹ کے ترجمان میجر گہرام بلوچ نے وادی مشکے میں پاکستانی آرمی پر دو حملوں کی ذمہ داری قبول کرتے ہوئے کہا ہے کہ وادی مشکے کے علاقے جکی میں گزشتہ رات ساڑھے آٹھ بجے سرمچاروں نے جکی چوکی پر اس وقت راکٹوں اور بھاری ہتھیاروں سے حملہ کیا جب وہ چودہ اگست کی تقریبات کی تیاریوں میں مصروف تھے۔
حملے میں پاکستانی فوج کے6 اہلکار موقع پر ہلاک ہوئے جبکہ چار زخمی ہوئے۔
میجر گہرام بلوچ نے کہا کہ آج بدھ کے روز صبح سات بجے سرمچاروں نے وادی مشکے کے علاقے گجلی میں فوجی چوکی پر راکٹوں اور خودکار بھاری ہتھیاروں سے حملہ کر کے تین اہلکاروں کو ہلاک اور دو کو زخمی کیا۔
حملے کے وقت فوجی اہلکار چودہ اگست کی تیاری میں مصروف تھے۔
میجر گہرام بلوچ نے کہا کہ قابض فورسز پر حملے مقبوضہ بلوچستان کی آزادی تک جاری رہیں گے۔
