بی ایل ایف کے ترجمان میجر گہرام بلوچ نے میڈیا میں جاری کردہ بیان میں کہا کہ کل ضلع آواران کے علاقے کولواہ شندی میں سرمچاروں نے یوفون ٹاور پر حملہ کرکے ٹاور کو نقصان پہنچایا اسی دوران ایک قریبی چوکی سے پاکستانی فوج کی سات گاڑیوں اور تین موٹر سائیکلوں نے ٹاور کے قریب آنے کی کوشش کی سرمچاروں نے پہلے سے گھات لگا کر فورسز پر حملہ کردیا۔
ترجمان نے کہا کہ حملے میں چھ فوجی اہلکار ہلاک اور کئی زخمی ہوئے۔ ان میں ایک فوجی آفیسر بھی شامل ہے۔
میجرگہرام بلوچ نے مزید کہا کہ کل رات ضلع کیچ کے علاقے کولواہ بلور میں فوجی کیمپ پر راکٹ اور خودکار ہتھیاروں سے حملہ کیا۔ حملے میں قابض فوج کو بھاری جانی و مالی نقصان اْٹھانا پڑا ہے۔ یہ حملے بلوچستان کی آزادی تک جاری رہیں گے۔
