فورسز نے بلوچ طالب علم کو گرفتار کرکے لاپتہ کردیا
دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کیچ سے فورسز نے مزید دو افراد کو گرفتار کرکے لاپتہ کردیا ۔
تفصیلات کے مطابق کیچ کے علاقے شاہرگ میں فورسز نے چھاپہ مار کر عباس ولد رفیق نامی شخص کو گرفتار کرکے لاپتہ کردیا۔
زرائع کے مطابق عباس دونوں پیروں سے معذور ہے ۔
اسی طرح کیچ کے علاقہ شاہرگ سے فورسز نے ایک اور شخص کو گرفتار کرکے نامعلوم مقام پر منتقل کردیا ۔
اطلاعات کے مطابق فورسز نے گذشتہ شب شاہرگ سے ہی ڈاکٹر شاہ زیب ولد جان محمد نامی نوجوان کو لاپتہ کردیا ۔
علاقائی زرائع کے مطابق شاہ زیب بی ایم سی کا طالب علم ہے جو عید کی چھٹیاں منانے گھر آیا ہوا تھا ۔
واضح رہے کہ ماضی کی طرح حالیہ کچھ عرصے سے بلوچستان کے مختلف علاقوں سے طلباء سمیت کئی افراد فورسز کے ہاتھوں گرفتاری کے لاپتہ کردئے گئے ہیں۔
